Krim brenda familjes në Fier, policia: Burri rrahu për vdekje gruan për xhelozi
Policia e Fierit njoftoi se rreth orës 09.30’ në lagjen Sheq i Madh, Fier, shtetasi Arben Muhaj, vjeç 53, në banesën e tij, ka ushtruar dhunë fizike ndaj bashkëshortes se tij shtetases T. Muhaj, vjeç 51. Si pasojë e dhunës kjo shtetase ka gjetur vdekjen. Shtetasi Arben Muhaj është shoqëruar në Komisariatin e Policisë Fier ku dhe është bërë dhe arrestimi në flagrancë i tij.
Parapraktisht dyshohet se shtetasi i lartpërmendur ka ushtruar dhunë me pasojë vdekjen mbi bashkshorten e tij për motive xhelozie. Në momentin e ushtrimit të dhunës, Çifti ka qenë vetëm në banesë, ndërsa fëmijët e tyre kanë qenë në banesën e gjyshes së tyre. Nga verifikimet e kryera shtetasja T. Muhaj nuk ka qenë trajtuar nga Komisariati i Policise Fier si viktimë e dhunës në familje. Ky shtetas ka qene i evindentuar si person me precedent penal per vepren penale te vjedhjes. Shtetasi Arben Muhaj ka qenë i arrestuar më parë dhe konkretisht:
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Me vendim nr. 62-2014-1726, datë 17.05.2014, të Gjykatës së Rrethit Gjyqësor Fier është vendosur masa e sigurimit personal “Arrest ne burg” për këtë shtetas për veprat penale të “Plagosjes së rëndë me dashje” e “Prodhim, mbajtje, blerje apo shitje të armëve të ftohta në ambiente të hapura për publikun” parashikuar nga nenet 88/1 e 279/2 te Kodit penal.
Me shkurtim vendimi të Gjykatës së Apelit Vlorë është lënë në fuqi vendimi i Prokurorisë së Rrethit Gjyqesor Fier “ Për pezullimin e ekzekutimit penal me burgim duke vënë në provë të pandehurin për një periudhë 3-vjeçare me kusht që brenda kësaj periudhe mos të kryejë vepër tjetër penale.
Në bazë të këtij shkurtim vendimi është urdhëruar lirimi i menjëhershem i të pandehurit nga vuajtja e mëtejshme e denimit, me kusht që të mbajë kontakte me Shërbimin e provës për periudhën e provës. Më datën 14.01.2015 është bërë lirimi i shtetasit Arben Muhaj nga IEVP Rrugozhine sipas urdhër ekzekutimit nr.13, date 14.01.2015 të Prokurorise së Rrethit Gjyqesor Fier, për pezullimin e ekzekutimit të vendimit penal. Materialet në ngarkim të këtij shtetasi do ti kalojnë prokurorisë prane Gjykates te shkalles pare Fier për veprën penale “ vrasje ne familje “