Atëherë kur filloi ndryshimi, letra e De Biasit për kombëtaren në 2012

Aktualitet

debiasii15Kjo eshte letra motivuese e trajnerit Giani De Biasi per kombetaren shqiptare te futbollit ne vitin 2012, atehere kur filloi gjithcka, me ndryshimin e frymes dhe mentalitetit te skuadres kombetare e cila tashme eshte kualifikuar ne kampionatin europian. 

Me poshte letra e De Biasit per kombetaren ne 2012:

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

"Sot fillon një ditë e re. Dhe nuk ka rëndësi se sa kohë kemi punuar së bashku, sepse ajo që SOT ka rëndësi është që dukefilluar që tani NE do të hedhim bazat për t’u ‘’bërë të mëdhenj’’. Një mënyrë e re e të qenit, të cilën askush prej JUSH nuk e ka njohur më parë.

Duke filluar që sot me MUA do të keni vetëm një mundësi: të dilni në fushë dhe të bëheni të mëdhenj. Heronj në hapësirën tonë. Mjafton vetëm pak, mjafton ta kërkosh.

Mund të bëheni ai grup lojtarësh, që deri më sot i kanë quajtur një ‘’grup djemsh të mirë’’, ose të filloni të bëheni një GRUP, që ka dëshirën të fitojë diçka të rëndësishme.

Në fillim do të jeni një Grup për të mbrojtur veten TUAJ dhe për të mbrojtur shokët tuaj, një grup, të cilin çdo kundërshtar duhet ta ketë frikë. Nuk ka taktikë që të ndihmon, nuk është 4-1-4-1 që do na bëjë të shkojmë larg dhe as një diagonale apo një skemë në goditje këndi. Ajo çka do ju bëjë të arrini objektivat…Që do na bëjë, më besoni, është dëshira, që do të bëjmë në çdo minutë që do punojmë Së bashku, në fushë, gjatë stërvitjeve, gjatë mbledhjeve teknike, gjatë ndeshjeve.

Fitoret përgatiten dhe jo gjithmonë fiton më i forti…ndonjëherë fiton ai që ka më shumë dëshirë, kush është më i përgatitur në një moment të caktuar, kush niset i pari, kush është më i vëmendshëm në çdo detaj.

Nëse do t’ia arrijmë, në sytë TUAJ, kundërshtarët do të shohin një dritë që s’është gjë tjetër po vendosmëria JUAJ për të arritur fitoren.

Dhe nëse në çdo moment do të jeni të gatshëm për të LUFTUAR, PËR TË VUAJTUR, PËR TË DERDHUR LOTË PËR BLUZËN që mbani veshur, për të ndihmuar shokun TUAJ nuk do të jeni inferiorë ndaj askujt. UNË KAM BESIM TEK JU.

Mund të jeni të parët që mund të kualifikoheni në një Botëror në historinë e këtij Kombi, të Kombit Tuaj, të Kombit të Baballarëve dhe Nënave tuaja, një Komb të cilin edhe UNË kam filluar ta ndjej pjesë timen. Mund të jeni të parët që do të arrini një objektiv kaq të rëndësishëm për Shqipërinë…dhe kur një ditë do të ktheheni në shtëpi do të jeni të vlerësuar, përgjithmonë do të flasin për ju dhe për atë që jujeni bërë. Jeni të gjithë adult, bëni punën më të bukur në botë dhe ka ardhur momente të kapni ato çaste që jeta u ofron.

Dhe nuk ka asgjë më të lehtë…tani dilni në fushë dhe filloni…

UNË KAM BESIM DHE JAM ATY ME JU…’’,

De Biasi

ME TE LEXUARAT