Urë e Re në Papërr

Aktualitet

4 fshatra të Njësisë Administrative Papërr dhe disa fshatra të Gracenit në Elbasan nuk do të vuajnë më izolimin për shkak të përroit të rrëmbyer që përshkon këto zona.

Ministria e Mbrojtjes dhe Bashkia e Elbasanit po ndërtojnë një urë e cila do t’u shërbejë qindra banorëve. Deputeti Taulant Balla dhe nënkryetari i Bashkisë panë nga afër punimet, duke garantuar se ura do të vihet në funksion ditët e para të janarit.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Pas festave, vijojmë me punët që u ndërprenë. Kjo urë do të mbarojë pasi është shumë e domosdoshme. Më pas, do të marrim masat për mirëmbajtjen e rrugës. Me ndërtimin e urës do të jemi gati që të ndërhyjmë edhe te pritat”, deklaroi Balla.

Mungesa e urës shpeshherë bëhej shkak që edhe mësimi në shkollën 9-vjeçare të fshatit Papërr të ndërpritej. Sipas banorëve, zona e Paprrit përshkohet nga shumë përrenj, çka e bën domosdoshmëri ndërtimin edhe të dy urave të tjera.

/ Top Channel

ME TE LEXUARAT