Arrestohen dy persona në Prishtinë, po përgatisnin sulm terrorist ndaj KFOR-it

Kosovë&Rajon

Dy persona u arrestuan në Prishtinë, të dyshuar se planifikonin sulme terroriste mbi forcat paqeruajtëse të KFOR-it. Gjykata në Prishtinë miratoi kërkesën e Prokurorisë Speciale për të burgosur dy të dyshuarit për “përgatitje të veprave terroriste”, ndaj KFOR-it dhe në vendet më të populluara me qytetarë.

Bëhet fjalë për një burrë dhe një femër E.H., që thuhet se bashkëjetonin, por për momentin është e paqartë nëse i përkasin ndonjë grupi ekstremist, apo ata i kanë planifikuar goditjet të vetëm.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Që nga viti 2012 në Kosovë janë shtuar masat e sigurisë dhe ka pasur shumë arrestime dhe dënime për shkak se mjaft të rinj kosovarë i janë bashkuar grupeve ekstemiste në luftërat në Lindjen e Mesme.

Sipas të dhënave të Ministrisë së Punëve të Brendshme, që nga ajo kohë, rreth 300 të rinj kosovarë kanë shkuar për të luftuar në Siri dhe Irak, ndërsa afro 50 nga ata thuhet të jenë vrarë.

ME TE LEXUARAT