Ndeshja Kolumbi-Japoni, ky rezultat nuk pritej

Sport

Në stadiumin “Mordovia Arena” u luajt ndeshja e parë e Grupit H mes Kolumbisë dhe Japonisë.

Pritej një fitore e Kolumbisë, por ndodhi e kundërta, ku ishte Japonia që mori tri pikët e para në grup, duke e mbyllur 2-1 në favor të saj.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Pjesa e parë mbyllet në barazim 1-1, ku fillimisht shënuan japonezët e më pas kolumbianët.

Që në minutën e tretë Japonia fiton një penallti, teksa Sanchez për prekje të topit me dorë brenda zone ndëshkohet me të kuq, duke lënë Kolumbinë me dhjetë lojtarë në fushë.

Nga pika e bardhë Kagawa (5’) gjuan saktë, duke mposhtur portierin Ospina dhe Japonia kalon në avantazh.

Edhe pse me 10 vetë, Kolumbia reagon dhe në të 39’ pas një goditje dënimi Quintero barazon shifrat, 1-1. Goditja e tij nuk përfundon në rrjetë, por ka kaluar vijën fatale dhe gjyqtari e akordon gol.

Në pjesën e dytë Japonia ushtron presion derisa në minutën e 73-të Osako shënon me kokë, duke kaluar sërish në epërsi, 2-1.

Ky ishte dhe goli që i dha fitoren Japonisë. Ndeshja tjetër e këtij grupit do të luhet në orën 17:00 mes Polonisë dhe Senegalit.

https://youtu.be/yY-8hhr8_hI

ME TE LEXUARAT