"Telekom Albania" mbështet “Ide të Gjelbra 2019”

Teknologji

Edhe këtë vit, Telekom Albania ka mbështetur “Ide të Gjelbra 2019”, konkursin kombëtar të organizuar nga Partners Albania nëpërmjet të cilit organizatat e shoqërisë civile, ndërmarrjet sociale apo biznesi i vogël në vend të përfshihen në identifikimin, zgjedhjen dhe mbështetjen e ideve të gjelbra novatore që synojnë zhvillimin e qëndrueshëm.

Shtatëmbëdhjetë finalistë prezantuan projekt-idetë e tyre gjatë dy ditëve të konkurimit, i cili ishte i hapur për publikun dhe sektorin e biznesit. Një panel vlerësues i përbërë nga ekspertë të fushës së zhvillimit të ekonomisë, edukimit, përgjegjshmërisë sociale të biznesit, institucioneve publike dhe ndërkombëtare përzgjodhi tre idetë e gjelbra më të mira.

Si rrjedhojë, juria shpalli fituese këto projekte:

1 “Pemla – prodhime vendase me përbërës 100% vendas” prezantuar nga biznesi i vogël Pemla, i cili ka si qëllim kryesor kryesor prodhimin e produkteve “homemade” te gjalpit të lajthisë, arrës dhe bajameve.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

2 “Vizito 84 liqenet me Biçikletë në Belsh” prezantuar nga individi Albert Hysa, ide e cila synon të ofrojë shërbimin e biçikletave me qera për turistët vendas dhe të huaj në zonën e Belshit.

3 “Shija e Tryezës” prezantuar nga organizata Qendra e Edukimit Kulinar, e cila konsiston në krijimin i një ambienti shërbimi gastronomik, duke promovuar kulturën tradicionale të gatimit dhe prodhimeve shqiptare.

Tre idetë fituese do të bëhen automatikisht pjesë e konkursit në nivel rajonal të organizuar nga Fondi Rockefeller Brothers dhe Partnerët Shqipëri, i cili do të zhvillohet në Tiranë përgjatë muajit korrik.

ME TE LEXUARAT