Përplasen dy avionë luftarakë gjermanë

Bota

Dy avionë luftarakë të Gjermanisë, Eurofighter Typhoon, u përplasën dhe u rrëzuan në verilindje të këtij vendi.

Edhe pse të dy pilotët arritën të dalin nga avionët, raportet lokale thonë se njëri prej tyre ka vdekur.

Njëri nga avionët u rrëzua në një pyll, ndërsa tjetri pranë një fshati rreth 10 km larg, tha Ministria e Brendshme në landin Meklenburg-Vorpomern.

Përplasja ndodhi derisa dy avionët Eurofighter Typhoon po merrnin pjesë në një stërvitje luftarake.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Mediat lokale treguan pamjet e tymit nga të dy avionët, pasi ata goditën tokën.

Policia paralajmëroi se pjesët e avionëve janë shpërndarë në zona më të mëdha dhe se ato janë të rrezikshme.

Ushtria e Gjermanisë ka rreth 140 avionë Eurofighter Typhoon./REL

ME TE LEXUARAT