Beqaj: Të shtyhet ligji për duhanin, zbatimi të nisë nga ne; Ruçi: Denoncoji nga unë

Politikë

Ish-ministri i Shëndetësisë, Ilir Beqja kërkoi në Kuvend shtyrjen e projektligjit “Për disa ndryshime dhe shtesa në ligjin nr.9636, datë 6.11.2006, “Për mbrojtjen e shëndetit nga produktet e duhanit”.

Sipas tij nuk është e drejtë që të rëndohen masat, pasi propozimet e ardhura nuk e zgjidhin duke marrë parasysh se ato nuk zbatohen as brenda godinës së Kuvendit.

“Propozoj që projektligji “Për mbrojtjen e shëndetit nga produktet e duhanit” të mos votohet sot dhe të shtyhet pasi propozimet e ardhura nuk e zgjidhin. Ne fillimisht duhet ta zbatojmë vetë këtë ligj në godinën e kuvendit dhe kryesinë e Kuvendit, nuk është e drejtë të rëndojmë shkelësit, ndërkohë nuk jemi vete të gatshëm për ta zbatuar. Ta zbatojmë këtu një herë, e më pas ta votojmë”, u shpreh Beqja.

Kreu i Kuvendit, Gramoz Ruçi u kundërpërgjigj duke thënë se se ky arsyetim nuk është i mjaftueshëm, e i kërkoi ish-ministrit që të denoncojë rastet konkrete duke nisur prej vetë atij që është duhanpirës.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Nuk është arsye për ta hequr nga rendi i ditës, kjo është retorikë. Duhet ta denoncosh këtë rast, duke filluar nga unë si duhanpirës”, tha Ruçi.

ME TE LEXUARAT