Vetëvendosja thërret qytetarët në protesta, policia shton masat e sigurisë

Kosovë&Rajon

protesta2015Vetëvendosje pret që protesta e nesërme të tubojë më shumë qytetarë sesa mblodhi protesta e së shtunës.

Policia njofton se ka përgatitur planin operativ për ruajtjen e rendit. Në anën tjetër, hulumtues të Qendrës Kosovare për Studime të Sigurisë thonë se situata është më se e ndjeshme.

Protesta me kërkesë, kthimin e ligjit për Trepçën në Kuvend dhe shkarkimin e ministrit serb Jabllanoviq, e thirrur nga Vetëvendosje do të nis në sheshin “Skënderbeu”në orën 12.00. Sekretari i Vetëvendosjes, Dardan Molliqaj tha se kjo protestë do të mbledhë numër të madh protestuesish.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“ Sipas raporteve të para nga terreni, pritet, një numër më i madh i protestuesve në protestën e së nesërmes, për shkak të pakënaqësisë së ardhur nga ana e qeverisë dhe ndonjëherë nga disa deklarata të ardhura të cilat vetëm sa kanë irrituar qytetarin e Republikës së Kosovës. Do të ketë fjalime sikurse herën e kaluar por në anën tjetër kujdestarët tonë do të kujdesen që gjithçka të shkoi sipas skenarit “ , tha ai.

Zëdhënësi në Policinë e Kosovës, Baki Kelani thotë se policia tashmë ka bërë planin për ruajtjen e rendit dhe sigurisë publike gjatë zhvillimit të protestës.

“Policia e Kosovës do të jetë e gatshme me planin operativ për ruajtjen e rendit dhe të sigurisë publike për të gjithë qytetarët, duke përfshirë pjesën që mund të jenë pjesë e protestës por edhe për qytetarët tjerë që t’ju mundësohet liria e lëvizjes së lirë”, tha Kelani.

ME TE LEXUARAT