Politika

Deputeti socialist Vladimir Kosta: Të legalizohet hashashi për përdorim mjekësor

vladimir-kosta15Deputeti socialist, Vladimir Kosta del pro idesë së deputetit Koço Kokëdhima për liberalizimin e kanabisit si bimë mjekësore. Në një intervistë Kosta shprehet se kjo nismë kërkon një mbështetje, pasi ajo do i sillte përfitime si banorëve ashtu edhe shtetit, pasi shteti do të përfitojë të ardhura nga taksat që do u grumbullojë banorëve për ushtrimin e ligjshëm të kësaj kulture mjekësore.
Zoti Kosta si e shihni iniciativën e deputetit Kokëdhima për liberalizimin e kanabisit si bimë mjekësore?

Nuk është e thënë që çdo iniciative të përfundojë me sukses por sidoqoftë ato duhen dëgjuar dhe respektuar pasi edhe ato mund të kenë vlerën e tyre. Ato janë edhe më të vlefshme kur kanë motiv dhe qëllim të argumentuar dhe shpjegojnë me qartësi efektet pozitive që mendohet se mund të sjellin. Unë e njoh mirë zotin Kokëdhima pasi vij edhe vetë nga fusha e biznesit, por besoj se iniciativën dhe aktivitetin e tij të suksesshëm e njeh dhe e respekton edhe një pjesë e madhe e qytetarëve shqiptarë në vise të ndryshme të Shqipërisë.

Çfarë përfitimesh i sjell ky proces banorëve?

Ashtu siç mund të jenë shprehur edhe të tjerë përfitimi kryesor në këtë proces është fusha e punësimit, fushë kjo aq e domosdoshme për nevojat e shtetit shqiptar, sidomos në pjesën rurale të vendit.

Po shteti a mund të përfitojë nga liberalizimi i kanabisit si bimë mjekësore?

Fakti që shtete shumë më të zhvilluara se vendi ynë e kanë liberalizuar kultivimin e kanabisit si bimë mjekësore tregon edhe përfitimet që janë patjetër të konsiderueshme në këtë proces.

A do të ishte një zgjidhje me interes nëse banorët që deri dje kultivonin kanabis në mënyrë të paligjshme, sot ta kultivojnë në mënyrë legale dhe të paguajnë edhe taksa?

Nevojat për punësim i kanë bërë qytetarët shqiptarë që të merren me kultivimin e kanabisit në mënyrë klandestine duke provuar herë pas here edhe ndëshkimet ligjore. Ushtrimi i ligjshëm i këtij aktiviteti do sillte të mira materiale për një numër të madh të familjeve shqiptare por edhe për shtetin shqiptar në formën e tatimeve dhe taksave.

A mundet shteti shqiptar që të bëjë një legjislacion të veçantë për këtë temë me qëllim edhe eksportimin si bimë mjekësore?

Patjetër që juristët shqiptarë i kanë të gjitha kapacitetet e mundshme për të përgatitur legjislacion të veçantë për kultivimin dhe eksportimin e kanabisit si bimë mjekësore, aq më tepër që një legjislacion i duhur dhe i adaptuar për vendin tonë mund të gjendet në vende evropiane që e kanë eksperiencën e konsoliduar në këtë fushë.

Shumë vende të Evropës tashmë e kanë vënë në zbatim këtë ide. Mund të kërkojmë edhe një mbështetje dhe një eksperiencë nga jashtë në lidhje me këtë temë?

Eksperiencat e vendeve evropiane janë të domosdoshme në këtë proces, por më e rëndësishmja është që ushtrimi i ligjshëm i këtij aktiviteti kërkon edhe forcimin e shtetit ligjor në mënyrë që çdo gjë të jetë nën monitorimin e rreptë të të gjitha strukturave të shtetit, si të pushtetit qendror edhe atij vendor. Gazeta Shekulli

loading...

Artikuj te ngjashem

Leave a Reply

Your email address will not be published. Required fields are marked *

Back to top button
Close
Close