Kosova - Rajoni

Djali i Isa Mustafës: ‘Sulmet e VV-së rrezikojnë kompaninë e punëtorët’

djali-mustafesBesnik Mustafa, djali i kryeministrit Isa Mustafa, ka reaguar pas akuzave që Vetëvendosja ka ngritur sot ndaj biznesit familjar të tij

Ai ka zbuluar marrëdhëniet biznesore që ka kryer me Mirosllav Mishkoviqin, një ndër biznesmenët më të njohur në Serbi.

Besnik Mustafa, në reagimin e tij thotë se sulmet e VV-së i konsideron të dëmshme e qëllimkqëija, dhe se të tilla sulme rrezikojnë kompaninë dhe 11 të punësuarit aty.

Duke mos e mohuar bashkëpunimin e kompanisë së tij me “Delta Motors”, kompani e Mishkoviqit, Mustafa ka thënë se bashkëpunimi i ishte rekomanduar nga “BMW Group” në Gjermani.

Më poshtë gjeni reagimin e plotë të tij:

Lidhur me sulmet e sotme të Lëvizjes Vetëvendosje të publikuara në Portalin Koha dhe në portalet tjera, në emër të kompanisë MAKCAR ju informoj si vijon:

Kompania MAKCAR L.L.C. ka filluar te operoj qe nga dt.14.04.2010. Kjo kompani është e autorizuar për shitjen dhe servisimin e Markës së njohur botërore BMË Group. Kompania MAKCAR L.L.C. nga viti 2010 e deri më vitin 2014 ka qenë e Autorizuar nga MAKKAR DOO – Maqedoni. Ndërkaq me falimentimin e firmës në Maqedoni, Firm a e autorizuar në Kosovë nga viti 2015 vepron me autorizim nga M Car DOO me seli në Shkup.

Nga muaji prill i vitit 2014 deri në mars të vitit 2015, MAKCAR në Kosovë, i është rekomanduar nga BMË Group nga Gjermania, që brenda kësaj periudhe të furnizohemi me pjesë rezervë nga përfaqësitë në regjion, të cilat ofrojnë kushte më të përshtatshme, përfshirë edhe DELTA motors, që është përfaqësues zyrtar I BMË Group, në mënyrë që firma të jetë përgjegjëse ndaj klientelës, deri në autorizimin e përfaqësuesve tjerë.

Çdo blerje brenda kësaj periudhe është bërë me transaksion bankar, në mënyrë legale, duke përmbushur të gjitha detyrimet ligjore në Kosovë. Pas aktivizimit të firmës së re në Maqedoni, nga muaji prill i vitit 2015 Kompania MAKCAR furnizohet nga M Car në Maqedoni, e cila si e vetme e ka të drejtën e përfaqësimit për territorin e Maqedonisë dhe të Kosovës dhe nuk vazhdon të furn izohet nga firmat e tjera.

Sulmet e Lëvizjes Vetëvendosje ndaj kompanisë sime i konsideroj të dëmshme dhe qëllimkëqija. Në këtë kompani punojnë 11 punëtorë, të gjithë nga Kosova, me investime private dhe pa asnjë ngarkesë të sektorit publik. Që nga fillimi i punës, kjo kompani, sado e vogël, ka kontribuar në buxhetin e shtetit në shumë prej mbi 1.5 milion euro. Sulmet e tilla rrezikojnë punën e kompanisë dhe të punëtorëve që punojnë aty.

Me respekt,

Besnik MUSTAFA

loading...

Artikuj te ngjashem

Leave a Reply

Your email address will not be published. Required fields are marked *

Back to top button
Close
Close