Pogradec, aksidenti, kush është 23-vjeçarja që humbi jetën, plagoset i riu
Një i vdekur, një i plagosur ka qenë bilanci i një aksidenti tragjik në Pogradec. Ngjarja e rëndë ndodhi mëngjesin e sotëm në aksin Pogradec-Korçë, në afërsi të fshatit Leshnicë.
Nga të dhënat policore bëhet e ditur se viktima ka mbetur 23-vjeçarja Fabiola Qendraj banuese në Vlorë, ndërsa është plagosur 29-vjeçari me inicialet E.M., nga Pogradeci.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Burimet e policise pohojnë se ishte vajza ajo që drejtonte mjetin tip ‘Benz’ me targa AA 282 MG, në kohën kur ai ka humbur kontrollin dhe ka dalë nga rruga.
Makina Mercedes-Benz me targa AA 282 MG dyshohet se ka dalë nga rruga prej shpejtësisë së madhe me të cilën po udhëtonte 23-vjeçarja, por edhe për shkak të reshjeve të shiut.
I riu është dërguar për mjekim të specializuar në Tiranë, pasi ndodhet në gjendje kritike për jetën.