Bota

Kina i pret rrugën aeroplanmbajtëses amerikane

aeroplanmbajteseKina i ka mohuar aeroplanmbajtëses amerikane lejen për të bërë një vizitë në portin e Hong Kongut, ka bërë të ditur Departamenti amerikan i Shtetit.

Anija e pajisur me raketa bërthamore “USS John C Stennis”, si dhe anijet shoqëruese të saj, nuk u lejua të ankoronte këtë të premte.

Shtetet e Bashkuara deklaruan se vizita e një anijeje tjetër amerikane, “USS Blue Ridge”, do të vazhdojë normalisht.

Debati për praninë ushtarake kineze në detin e Kinës së Jugut ka prekur raportet mes Uashingtonit dhe Pekinit në vitet e fundit.

“Kërkesa për vizitën e anijes me arsenal bërthamor u refuzua pavarësisht një serie vizitash të anijeve amerikane në portin e Hong Kongut”, deklaroi zëdhënësi i Pentagonit, Bill Urban për “Reuters”.

Anija tjetër “USS Blue Ridge” ankoroi ndërkohë në ishull mëngjesin e së premtes.

Për momentin nga qeveria kineze nuk ka patur një sqarim zyrtar për refuzimin e lejes anijes, e cila prej muajsh po zhvillon një tur në Paqësorin Perëndimor.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close