“Presidenti” u nxorr nga konteksti, Baton Haxhiu: Rama u keqkuptua

Nga Rrjeti

Analisti Baton Haxhiu thotë se deklarata e Kryeministrit Edi Rama në Kuvendin e Kosovës, ku foli për president të përbashkët, për politikë të jashtme dhe politika sigurie të përbashkëta mes Kosovës dhe Shqipërisë, është nxjerrë nga konteksti.

“I gjithë ky spektakël është nxjerrë jashtë kontekstit. Edi Rama ka patur një fjalim prej 9 minutash që ka ndërtuar me imagjinatë, sipas tij, se si do të duhet të ishin marrëdhëniet mes Kosovës dhe Shqipërisë në dekadën e ardhshme”, tha ai në një lidhje telefonike të drejtpërdrejtë me Top Channel.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Baton Haxhiu thotë se reagimi, më shumë sesa për deklaratën lidhet me politikën për të kundërshtuar Edi Ramën.

“Reagimi është politik dhe konteksti është për të kundërshtuar Edi Ramën me fjalinë, por jo fjalimin. Është marrë fjalia për një President të përbashkët, duke anashkaluar 10 minutat e tjera që flet për dialogun, rajonin dhe marrëdhëniet Serbi-Kosovë”, shton ai.

ME TE LEXUARAT