“Telashe” për Islandën, humbet kompjuteri me punën e 20 viteve!

Sport

Hirushja e Botërorit 2018, Islanda u përball me një problem jo shumë të zakonshëm përpara se të nisej për në Rusi.

Trajneri i përfaqësueses së vendit ishullor Heimir Hallgrimsson, humbi për pak kohë kompjuterin e tij ku ishte e përmbledhur e gjithë puna e tij 20-vjeçare. Është e lehtë të imagjinohet shqetësimi i madh në të gjithë stafin teknik të Islandës që u shtua edhe për faktin se skuadra mund të humbiste edhe avionin me të cilin do të shkonte në Gelendzhik.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Hallgrimsson e kishte vënë valixhen e tij jo në autobusin që shkonte drejt aeroportit, por në atë që ishte drejtuar drejt një qyteze tjetër në pjesën perëndimore të Islandës.

Gabimi u kuptua vetëm në momentin që autobusi me valixhen e teknikut ishte në tunelin që lidhte Rejkjavikun me pjesën perëndimore te vendit dhe masa e marrë ishte emergjente. Një anëtar i Federatës që banonte pranë kësaj qyteze, nëpërmjet ndihmës së policisë, arriti të ndalë autobusin në tunel për të marrë valixhen dhe për t’ia dorëzuar në aeroport Hallgrimsson që u lehtësua edhe nga fakti që avioni u nis me një orë vonesë.

Vetë trajneri që është stomatolog me profesion, e mori me humor këtë ngjarje ndërkohë që u ofroi të gjithëve kafe për të kërkuar ndjesë. Gjithsesi tashmë Islanda ndodhet në Rusi për të bërë ndoshta një tjetër surprizë ashtu siç ndodhi edhe në Euro 2016./tch

ME TE LEXUARAT