Aksidenti me makinë, Eni Çobani: Jam akoma e tronditur

Showbiz

Avokatja e njohur dhe moderatorja e rubrikës “Shihemi në gjyq” Eni Çobani flet pas aksidentit me makinë ku u përfshi pak ditë më parë.

Kur kanë kaluar 5 ditë nga mbrëmja e frikshme që përjetoi në hyrje të Bajram Currit, zonja Çobani thotë se ka kaluar momente të vështira dhe është ende e rënduar nga ajo që ka përjetuar.

“Të më falni për vonesën në përgjigjigje por kam kaluar dhe jam akoma e rënduar nga ajo që përjetova”,- thotë Çobani.

Burime të “BalkanWeb” raportuan se zonja Çobani nën shoqërinë e mikeshave të saj, mes tyre edhe politikania e njohur, njëherësh ministrja për Dialog e Kosovës, Edita Tahiri janë përfshirë në një aksident mbrëmjen e së dielës (27 janar) rreth orës 23:50 në hyrje të Bajram Currit, në vendin e quajtur “Përroi i Shydenicës”.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Të njëjtat burime thanë se makina tip “Audi Q5” që drejtohej nga zonja Çobani ka dalë nga rruga e ka rënë poshtë urës duke u rrokullisur. Në një makinë tjetër shoqëruese ndodheshin edhe Pranvera Vatoci e Rezarta Metaliaj, të cilat kanë njoftuar policinë, duke i dhënë ndihmën e parë. Zonjat ktheheshin nga një darkë së bashku e fatmirësisht nuk kanë marrë plagë të rënda.

ME TE LEXUARAT