Kukës/ Eskavatori bie mbi makinë, shoferi ndërron jetë

Aktualitet

Një aksident i rëndë me pasojë vdekjen ka ndodhur në aksin Krumë-Kukës. Sipas informacioneve paraprake, një eskavator ka rrëshqitur nga shtrati i rimorkios së një kamioni ku ishte vendosur, duke goditur pas një automjet.

Për pasojë është plagosur rëndë drejtuesi i mjetit “Mitsubishi”, i cili u transportua me urgjencë drejt spitalit të Gjakovës.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Më pas, H.N., ka gjetur vdekjen si pasojë e plagëve të marra. Drejtuesi i kamionit, E.H., është shoqëruar në komisariatin e policisë Kukës, për veprime të mëtejshme proceduariale.

Njoftimi i Policisë

Has/Informacion paraprak.

Në aksin rrugor Krumë- Kukës, në vendin e quajtur “Qafa e Toblit”, mjeti tip kamion ku në rimorkio ka pasur një eskavator, gjatë ecjes eskavatori ka rrëshqitur nga shtrati i rimorkios, dhe për pasojë ka goditur mjetin tip “Mitsubish” me drejtues shtetasin H.N.

Për pasojë është dëmtuar drejtuesi i mjetit “Mitsubush” shtetasi H.N., i cili ka marrë ndihmën e parë në Spitalin e Krumës dhe është transportuar për në Spitalin e Gjakovës ku ka gjetur vdekjen.

Drejtuesi i mjetit tip Kamion, shtetasi E.H., është shoqëruar në komisariatin e policisë Kukës, për veprime të mëtejshme proceduariale.

Policia Rrugore dhe grupi hetimor ndodhen në vendin e ngjarjes ku po punojnë për shkaqeve të ngjarjes.

ME TE LEXUARAT