Aktualitet

Policia iu sekuestroi një çantë me fishekzjarre, reagon grupi i tifozëve

Policia e Shtetit, njoftoi ditën e sotme se kishte sekuestruar një çante me mjete piroteknike, nga tifogrupi “Plisat” e Prishtinës, të cilët do të jenë të pranishëm ditën e sotme, në “Air Albania”, për sfidën ndaj Francës.

Por grupi i tifozëve nga Prishtina, “Plisat”, kanë reaguar nëpërmjet një postimi zyrtar në faqen e Facebook, se çdo gjë ishte brenda rregullave.

“Plisat” deklarojnë se materialet piroteknike kanë qenë të shoqëruara me kuponin tatimor dhe në asnjë çast nuk është tentuar fshehja e tyre. Tifogrupi shton se gjithçka ishte e destinuar për spektaklin në rrugët e qytetit përpara hyrjes në stadium.

Njoftimi i plotë:

Sqarim për opinionin e gjerë.

Sot gjatë kalimit të kufirit, në doganë jemi ndaluar plot 4 orë nga Policia Shqiptare, nën pretekstin se posedojmë gjëra jo të lejueshme për ndeshjen Shqipëri-Francë.

Argumentet tona ishin të qarta:

-E posedonim kuponin fiskal të piroteknikës

-Nuk e kemi fshehur bagazhin me piroteknikë, por e kemi kaluar në procedura të rregullta.

-Qëllimi i piroteknikave ishte ndezja e tyre në qytet, e asesi brenda stadiumit.

Por, prap se prap gjithë këto për Policinë e Shtetit nuk ishin të mjaftueshme që ta vazhdonim rrugën tonë drejt Tiranës, dhe si rrjedhojë na janë konfiskuar 200 tymuese.

Një gjë është e qartë.

Dikujt i konvenon kjo – ju pengon prezenca jonë në përkrahje të kombëtares. Mendojnë se me intrigat e tyre mund të e ndalojnë kauzën tonë shumëvjeçare si PLISA.

Andaj, ju bëjmë me dije se.

Gjithë këto nuk do të na ndalin.

“SHQIPËRIA SHQIPTARËVE, JO E TRADHËTARVE”

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!
Tags

Leave a Reply

Your email address will not be published. Required fields are marked *

Back to top button
Close