Rritet numri i viktimave nga koronavirusi, 80 te vdekur dhe 2300 te infektuar

Bota
Rritet numri i viktimave nga koronavirusi, 80 te vdekur dhe 2300 te infektuar

Bilanci zyrtar i viktimave nga koronavirusi ka shkuar në 80 të vdekur dhe më shumë se 2300 raste të infektuar të konfirmuar në të gjithë Kinën. Autoritetet e Hubei, epiqendra e virusit, raportojnë sot për 24 viktima të reja dhe rreth 371 raste të reja. Epidemia e koronavirusit vazhdon të rritet, ashtu siç kishte njoftuar më parë presidenti Xi Jinping.

Virusi ka mbërritur edhe në Toronto dhe një i dyshuar është në Vienë. Në Zvicër dy persona që kishin hyrë prej pak ditësh nga Kina janë futur në karantinë. Numri i epidemisë, të nisur në 31 dhjetor në Wuhan, vazhdon të rritet ditë pas dite. Sipas autoriteteve shëndetësore kineze shpërndarja e virusit, me një periudhë inkubacioni deri 14 ditë, duket se po bëhet më i fortë dhe nuk janë ende të qarta rreziqet e mutacionit të saj.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Pasi ka izoluar rreth 56 milion njerëz, dhe ka bllokuar transportin dhe udhëtimet jashtë dhe brenda vendit, autoritetet kanë ndaluar edhe tregtinë e kafshëve, nga ku besohet se ka nisur koronavirusi.

Edhe qytet në veri, si Pekini, Tientsin dhe Xian, kanë njoftuar ndërprerjen e linjave të autobusëve, që lidh pjesën tjetër të vendit. Në lindje, provinca e Shandong, me 100 milion banorë ka bërë të njëjtën gjë.

Në Hong Kong, ku është shpallur gjendja e emergjencës, ka shpërthyer një protestë kundër karantinës dhe tensioni është rritur së tepërmi kur protestuesit kanë mësyrë në një spital.

Wuhani, epiqendra e sëmundjes, duket tani një qytet fantazme, ku mund të qëndrosh i mbyllur vetëm në shtëpi. Për ata që duhen të vizitohen, duhet të presin ore të tëra përpara se të takojnë një mjek. Edhe në Shtetet e Bashkuara të Amerikës është një rast, në zonën e Los Angeles. Gjithashtu Shtetet e Bashkuara të Amerikës dhe vende të tjera kanë planifikuar të martën në rrugë ajrore evakuimin e personelit të tyre nga Kina.

ME TE LEXUARAT