Benzi ndaloi pas disa metrash breshëri plumbash! Detaje të reja nga atentati në Rinas, një nga autorët doli nga automjeti...

Zbulohen detaje të tjera nga atentati ku mbeti i vrarë Gilmando Dani dhe u plagos miku i tij Muçi Shaljani Sheqeri. Autorët e kanë pritur para aeroportit, dhe kanë lëvizur të dy makinat paralel me njëra-tjetrën. Aty nga makina autorët kanë qëlluar me breshëri plumbash.

Mjeti Benz eci për disa metra dhe ndalon nga të shtënat. Në atë moment, një nga autorët, me kapele dhe i maskuar, del nga makina dhe afrohet duke qëlluar disa herë me pistoletë, duke u siguruar që shënjestra ka ndërruar jetë.

Më pas, kthehet në makinë dhe largohen drejt Fushë Krujës.