E FUNDIT/ Parandalohet një krim? Policia kap laçianin me armë, por detaji te pushka i la me sy hapur

Aktualitet

E FUNDIT/ Parandalohet një krim? Policia kap laçianin me armë,

Policia e Kurbinit ka arrestuar një 21-vjeçar pasi i gjetën një armë zjarri, pushkë, të cilën kishte planifikuar ta përdorte në një ngjarje kriminale.

Pasi pa që policia po e ndiqte, i riu e hodhi armën e zjarrit me qëllim largimin nga vendi i ngjarjes, por në fund u kap.

Ajo që bie në sy ka të bëjë me modifikimet që i riu i kishte bërë armës së zjarrit.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Siç duket edhe nga fotoja e publikuar nga policia, ai i ka hequr asaj qytën si edhe një pjesë të grykës me qëllim shkurtimin e armës.

Po ashtu, i riu i kishte vendosur pushkës një karikator kallashnikovi, kurse në fund i ka vendosur edhe një dorezë duke e kthyer nga pushkë në automatik.

Njoftimi i policisë

Kurbin / Falë bashkëpunimit me qytetarët, parandalohet një ngjarje e mundshme kriminale.

Finalizohet operacioni policor i koduar “Gjurmimi”

Lëvizte me armë zjarri pushkë me vete, të gatshme për qitje, duke rrezikuar jetën e qytetarëve dhe sigurinë publike, vihet në pranga 21-vjecari.

Gjendet dhe sekuestrohet arma e zjarrit pushkë, të cilën, i arrestuari e hodhi sapo pa punonjësit e Policisë.

Në vijim të punës për parandalimin e ngjarjeve kriminale dhe për kapjen e shtetasve që qarkullojnë me sende të kundërligjshme, duke rrezikuar jetën e qytetarëve, shërbimet e Komisariatit të Policisë Kurbin, menjëherë pas denoncimit të marrë për një shtetas që lëvizte në Laç, me armë zjarri me vete, kanë organizuar punën, në kuadër të operacionit policor “Gjurmimi” dhe kanë ndërhyrë me qëllim parandalimin e një ngjarjeje të mundshme kriminale.

Si rezultat, është arrestuar në flagrancë shtetasi D. K., 21 vjeç, banues në Laç, për veprën penale “Mbajtja pa leje e armëve, armëve luftarake dhe municionit”, pasi u kap afër banesës së tij, me një armë zjarri pushkë me vetë, të cilën e ka hedhur sapo ka parë punonjësit e Policisë.

Shërbimet e Policisë gjetën dhe sekuestruan në cilësinë e provës materiale armën e zjarrit pushkë dhe një krehër me 30 fishekë luftarakë në të. 

ME TE LEXUARAT