Eric Adams me simbolin e shqiponjës! Kryetari i Bashkisë së Nju Jorkut në event të posaçëm për komunitetin shqiptaro-amerikan

Kryetari i Bashkisë së Nju Jorkut, Eric Adams, organizoi një ceremoni në nder të Albanian Roots dhe komunitetit shqiptaro-amerikan, duke theksuar kontributin e tyre të rëndësishëm në zhvillimin e qytetit.

Në event morën pjesë përfaqësues të komunitetit, përfshirë familjen Rusi, të cilët së bashku me Marko Kepin dhe Bedrana Dukën kontribuan në organizimin e Paradës së Parë të Albanian Roots.

Ceremonia u hap nga Eli Rusi, me një performancë tradicionale “Vallja e Dibres”, ndërsa Adams falënderoi organizatën dhe komunitetin, duke theksuar se shqiptarët janë forcë pozitive dhe shtyllë e rëndësishme e qytetit.