Foto/ Njëri subjekt i OFL-së, tjetri i dënuar për vrasje, viktimat e atentatit në Elbasan

Aktualitet

Foto/ Njëri subjekt i OFL-së, tjetri i dënuar për vrasje,

Një nga viktimat e atentatit të sotëm (4 tetor) në Elbasan është edhe Lulzim Bitri, i cili ka qenë i dënuar me 4 muaj burg nga shteti maqedonas pasi ishte i përfshirë në një përplasje me armë në Tetovë në vitin 2018 ku një person mbeti i vrarë.

Lulzim Bitri, pas vuajtjes së dënimit iu ndalua hyrja prej 5 viteve në Maqedoni. Ndërkohë i vrarë mbeti edhe Ardian Çollaku, edhe ky një person me precedent penal.

Ardian Subashi (Çollaku) në 26 maj të vitit 2015 u arrestua nga efektivët e policisë, në qendër të qytetit të Elbasanit. Një ditë para arrestimit ai ishte shpallur në kërkim ndërkombëtar nga Interpol Tirana, pasi Gjykata e Modenas, e ka dënuar me 23 vjet e 3 muaj e 17 ditë burgim për veprat penale të “Shfrytëzimit të prostitucionit” dhe “Prodhimit dhe mbajtjes pa leje e armëve luftarake dhe e municionit” parashikuar nga nenet 110 dhe 600 të Kodit Penal Italian.

Ndërkohë, Subashi ka qenë edhe subjekt i OFL  ku vitin e kaluar së bashku me 3 persona të tjerë u është kërkuar deklarimi i pasurisë.

ME TE LEXUARAT