Gjykata vendos sekuestro ndaj "Raiffeisen Bank"

RUSI - Një gjykatë ruse ka bllokuar çdo shitje të mundshme të degës së Raiffeisen Bank International në Rusi.

Ky veprim, vjen ne nje kohe kur komuniteti nderkombetar, BE dhe SHBA, kane bere thirrje ultimative qe nga janari i ketij viti, qe huadhënësi perëndimor të shkepuse mardheniet me Rusine per shkak te luftes ne Ukraine, nderkohe qe banka ende operon brenda vendit. 

Në një deklaratë të enjten në mbrëmje, Raiffeisen Bank International me seli në Vjenë tha se një urdhër i përkohshëm i lëshuar nga një gjykatës në enklavën ruse të Kaliningradit në bregdetin Baltik kishte vendosur një ngrirje të transferimit të çdo pronësie të aksioneve në krahun e saj rus. 

Financial Times shkruan se eshtë e paqartë se sa do të zgjasë urdheri i sekuestrimit nderkohe qe një seancë paraprake është caktuar për në 16 tetor.

Urdhëri lidhet me një çështje civile të ngritur nga kompanitë e lidhura me oligarkun Oleg Deripaska dhe një kërkesë prej 2.2 miliardë dollarësh për "mospërmbushje të detyrimeve financiare".

“Kjo e ndërlikon procesin e shitjes në të cilin RBI kërkon të shesë aksionet kontrollues në [degën e saj] – dhe në mënyrë të pashmangshme do të çojë në vonesa të mëtejshme,” tha banka.

"RBI do të përpiqet të ndryshojë vendimin e gjykatës me të gjitha mjetet ligjore."-theksohet me tej ne deklaraten e cituar nga Financial Times.

Sipas artikullit, ky veprim i bën jehonë përpjekjeve të tjera të kohëve të fundit nga biznesmenë të fuqishëm rusë pranë Kremlinit për të përdorur sistemin gjyqësor të vendit për të ushtruar kontroll ose për të kapur bizneset perëndimore që ende operojnë atje.

Raiffeisen deri më tani ka operuar me liri relative në Rusi, ndërsa është nën presion në rritje nga qeveritë dhe rregullatorët perëndimorë për të zvogëluar dhe për të hequr biznesin e saj atje, edhe pse fitimet janë rritur. 

Drejtuesit e bankës austriake kanë këmbëngulur prej kohësh se janë kapur në një situatë të vështirë: nga njëra anë, të kërcënuar nga sanksionet perëndimore për shkak të rolit që banka e tyre vazhdon të luajë në mbështetjen e ekonomisë ruse, por edhe të paaftë për të çuar përpara bisedimet e shitjeve për shkak të ndëshkimit.

Zyrtarët dhe politikanët perëndimorë të sigurisë, janë bërë të paduruar me Raiffeisen Bank International, veçanërisht pasi ekonomia ruse ka vazhduar të tregohet elastike përballë kufizimeve ekonomike perëndimore. 

Në maj, Banka Qendrore Evropiane urdhëroi Raiffeisen dhe huadhënësit e tjerë evropianë që ende operojnë në Rusi që të përshpejtojnë përpjekjet për të mbyllur bizneset e tyre atje nëse nuk do të ishin në gjendje t'i shesin ato./Financial Times