Refuzoi të ndryshojë muzikën, shqiptari qëllon me shishe menaxherin e lokalit në Itali
Një i ri shqiptar u arrestua mbrëmjen e djeshme nga policia italiane për shkak se sulmoi menaxherin e një lokali.
Sherri mes tyre nisi për ndryshimin e muzikës, kërkesë e cila nuk u pranua nga menaxheri i barit ku shqiptari po qëndronte bashkë me shokun e tij italian.
Më pas gjithçka përshkallëzoi dhe shqiptari i hetuar në të kaluarën, goditi menaxherin me një shishe qelqi në qafë duke i shkaktuar atij dëmtime.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Ai rrëzoi disa orendi në lokal dhe më pas u largua. Policia arriti ta kapë pas disa minutash. Në momentin e arrestimit, i riu shqiptar bëri rezistencë dhe tashmë do gjykohet edhe për kundërshtim të forcave të rendit.