Shtëpia e Bardhë zbardh bisedën mes Trump dhe Zelenskyt!

Zëdhënësja e shtypit e Shtëpisë së Bardhë, Karoline Leavitt ka ndarë detaje nga biseda telefonike mes presidentit amerikan Donald Trump dhe atij ukrainas Volodymyr Zelensky.

Sipas saj, Zelensky falënderoi SHBA-në për mbështetjen, veçanërisht për raketat Javelin dhe se "paqja e qëndrueshme nën udhëheqjen e Presidentit Trump mund të arrihet".

Të dy liderët diskutuan gjithashtu luftimet në Kursk, ndërkohë që Zelensky kërkoi më shumë burime të mbrojtjes ajrore. Së shpejti pritet një takim teknik me synimin për një armëpushim më të gjerë në Detin e Zi. Trump gjithashtu thuhet se tha se "pronësia amerikane" e infrastrukturës energjetike të Ukrainës mund të ndihmojë vendin.

Leavitt u pyet për marrëveshjen e mineraleve midis SHBA-së dhe Ukrainës, e cila ishte vetëm pak javë më parë, një temë kryesore e bisedës mes të dy vendeve.