Flet drejtori i Emergjencës Civile: Në autobusin e aksidentuar kishte dhe fëmijë shqiptarë

Kosovë&Rajon

Flet drejtori i Emergjencës Civile: Në autobusin e aksidentuar kishte

Të paktën 10 persona humbën jetën nga aksidenti i regjistruar ditën e sotme në Brod të Kroacisë, ndërsa numri i të plagosurve ka shkuar në 45 , 8 prej të cilëve në gjendje të rëndë

Drejtori i Emergjencës Civile Damir Trut, ka dhënë detaje të reja të aksidentit fatal ku u përfshi autobusi me targa të Kosovës, i linjës Frankfurt-Prishtinë.

Në një komunikim për mediat ai u shpreh se në autobus ndodheshin 67 pasagjerë dhe dy shoferë, njëri-prej të cilëve ka humbur jetën.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Në autobus kishte 67 pasagjerë dhe dy shoferë. Nënë pasagjerë dhe një nga shoferët kanë humbur jetën. Deri më tani 44 pasagjerë dhe një shofer janë në stacionin e policisë dhe po presin të marrin trajtim mjekësor”, tha ai duke konfirmuar se në autobus kishte edhe fëmijë.

Sipas 24sata.hr autobusi i cili po udhëtonte me emigrantë të cilët po ktheheshin nga Frankfurti në Prishtinë kishte ndaluar për të pushuar rreth gjysmë orë para se të ndodhte aksidenti dhe se në autobus ishin dy shoferë të cilët janë shkëmbyer me njëri-tjetrit.

Paraprakisht dyshohet se shkak i aksidentit mund të jetë bërë lodhja e shoferit.

ME TE LEXUARAT