Vuçiç i dha dekoratën më të lartë mbështetësit të Millosheviçit, reagon ashpër zyrtarja serbe: Sapo fillove luftën kundër...

Kosovë&Rajon

Vuçiç i dha dekoratën më të lartë

Drejtoresha e Fondit për të Drejtën Humanitare në Beograd, Natasha Kandic, ka reaguar pasi presidenti Aleksandër Vuçiç ka dekoruar mohuesin e gjenocidit dhe mbështetësin e Millosheviçit, Peter Handke me medaljen më të lartë shtetërore “ Urdhëri i Yllit të Karagjorgjit”.

Kandic përmes një reagimi në Twitter ka thënë se Vuçiçi me atë gjest ka filluar një luftë kundër botës së civilizuar, fqinjëve dhe njerëzve në Serbi që mbajnë turpin e gjenocidit të kryer nga Millosheviçi në vitet e 90-ta.

“Duke dekoruar me “Urdhrin e Yllit të Karagjorgjitit” Peter Handken, Presidenti i Serbisë, filloi luftën kundër botës së civilizuar, fqinjëve dhe secilit prej nesh në Serbi që mbajmë turpin e gjenocidit të kryer dhe krimeve masive të forcave serbe në luftërat e viteve 1990. Nuk ka asnjë dromcë shprese”,- ka shkruar Kandic.

Sipas Express, presidenti i Serbisë, Aleksandër Vuçiç, para dy ditësh e ka dekoruar me medaljen më të lartë shtetërore “Urdhri i Yllit të Karagjorgjit” fituesin e çmimit Nobel për letërsi vitin e kaluar, Peter Handke, i cili i bëri apologjetikë Sllobodan Millosheviçit për krimet e kryera në Ballkan.

Vuçiq e falënderoi Handken për gjithçka që bëri për Serbinë, duke e konsideruar “zëdhënës” të tyre.

Në anën tjetër, asnjë zyrtar shtetëror i Kosovës nuk ka reaguar ndaj dekoratës që presidenti serb Aleksandër Vuçiq i ka bërë mbështetësit të Millosheviçit, shkrimtarit austriak, Peter Handke.

 

ME TE LEXUARAT