Nafta noton në sipërfaqe, si po ndotet deti nga puset e papastruara

Aktualitet

Mbetjet hidrokarbure që dalin në sipërfaqe nga puset e papastruara të naftës bruto po shqetësojnë banorët e fshatit Zharrës.

Vetëm në territorin e fshatit që shtrihet në zonën naftëmbajtëse Patos-Marinëz ndodhën 7 vatra të mbushura me naftë bruto, mbetjet e të cilave nëpërmjet kolektorit përfundojnë në det.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Familjet që banojnë pranë puseve të amortizuar, thonë se u rrezikohet jeta dhe se kompania Albpetrol, e cila i shfrytëzon duhet të bëjë mirëmbajtjen e tyre.

Gjendja është përkeqësuar edhe më shumë si rezultat i temperaturave të larta. Pak kohë më parë, disa familje u rrezikuan seriozisht si pasoje e zjarrit që përfshiu një pus nafte.

Ndotja e ajrit është vetëm një prej shqetësimeve të banorëve të Zharrzës pasi kjo zonë vuan edhe pasojat e lëkundjeve nga shpërthimet nëntokësore, dëmshpërblimin e të cilave ende nuk e kanë marrë. /TCH/

ME TE LEXUARAT