Napoli ne kaos, ultrasit bllokojne hyrjen e stadiumit!

Sport

Tension i lartë jashtë stadiumit “San Paolo” përpara stërvitjes së Napolit, që ditën e sotme ishte e hapur për tifozët e abonuar. Rreth 150 ultrasë të inatosur kanë kontestuar skuadrën e Ançelotit pas kryengritjes në fund të ndeshjes së Champions League kundër Salcburgut dhe vendimit për t’u kthyer në shtëpi duke thyer grumbullimin. Një parrullë me mbishkrimin “Respekt!” u shpalos para hyrjes së lojtarëve. Mes koreve dëgjoheshin edhe “Meritojmë më shumë” e “futbollistë mercenarë jeni ju”.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ultrasët vijuan me koret “Vetëm fanalla” dhe “Luani me ekipin e të rinjve”. U hodhën tymuese dhe shashka. Në shenjestër ishin lojtarët, por nuk u kursye as presidenti De Laurentis “Ai që po fiton je veç ti”, refren që po dëgjohet shumë vitet e fundit në “San Paolo”. Ultrasit u zhvendosën më pas në rrethinat e stadiumit, të mbajtur nën vëzhgim nga forcat e rendit. Lojtarët mbërritën në stadium me makinat e tyre ose me taksi, duke mos ndaluar për asnjë moment para “San Paolos”.

Stërvitja nisi me vërshëllima, të bërtitura dhe kontestime nga shumë tifozë prezentë. Nga sa u bë e ditur, lojtarët hynë në fushë pa përshëndetur tifozët. Gjatë stërvitjes, në çdo top të prekur nga Insinje, Mertens apo Kajehon, tifozët bërtisnin “largohu, largohu”.

[embed width="600" height="600"]https://youtu.be/ZRF7fNwb0eQ[/embed]

ME TE LEXUARAT