Basha reagon për situatën në veri të Kosovës: Detyra e Shqipërisë jo të heshtë, por…

Politikë

Basha reagon për situatën në veri të Kosovës: Detyra e

TIRANË

Kreu i PD-së Lulzim Basha ka reaguar për situatën e krijuar në Veri të Kosovës dhe rritjes së tensioneve pas vendosjes së reciprocitetit për targat. Basha shprehet se aktet kriminale të ndodhura në 24 orët e fundit të frymëzuara nga Beogradi zyrtar, synojnë destabilizimin e Kosovës dhe krejt rajonit, teksa thekson mbështetjen për qeverinë e Kosovës dhe faktorin politik të angazhuar.

Kreu i PD deklaron më tej se Shqipëria nuk mund të heshtë, por duhet të përdorë të gjithë mekanizmat e saj diplomatikë për të ndihmuar në zgjidhjen e kësaj situate.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Po ndjek me shqetësim situatën e krijuar në veri të Kosovës, pas vendimit të drejtë dhe legjitim të qeverisë për vendosjen e reciprocitetit.

Aktet kriminale të ndodhura në 24 orët e fundit të frymëzuara nga Beogradi zyrtar, synojnë destabilizimin e Kosovës dhe krejt rajonit për interesat politike të Aleksandër Vuçiç.

Shpreh mbështetjen e plotë dhe të fuqishme për qeverinë e Kosovës, institucionet e saj dhe të gjithë faktorin politik të angazhuar në përballimin e kësaj situate.

Detyra e Shqipërisë, edhe si vend anëtar i NATO-s, nuk është të heshtë por të përdorë të gjithë mekanizmat e saj diplomatikë për të ndihmuar në zgjidhjen e kësaj situate. Nuk mund të tolerohen tanket dhe avionët ushtarakë që mësyjnë kufijtë e Kosovës, duke kërcënuar paqen dhe sigurinë e të gjithë rajonit”, deklaron Basha.

ME TE LEXUARAT