5 shenjat që i godet më shumë Mërkuri retrograd: Disa përballen me keqkuptime të vogla, e disa me probleme serioze

Meqë Mërkuri është planeti i komunikimit, udhëtimeve dhe marrëveshjeve, kjo periudhë sjell rrezik më të madh për keqkuptime, vonesa, probleme teknike dhe rikthimin e çështjeve nga e kaluara që s’janë përfunduar.

Për shumicën e shenjave, ky është një moment introspektimi dhe rishikimi, por për disa do të jetë veçanërisht sfidues, ndërsa për një shenjë të Zodiakut, jashtëzakonisht i vështirë.

Ky Mërkur retrograd mund të mos sjellë lehtësi, por ofron një mundësi për të korrigjuar, rishqyrtuar dhe forcuar ato aspekte të jetës ku keni punuar, por nuk i keni përmbyllur plotësisht.

Shigjetari

Si shenjë në të cilën fillon drejtpërdrejt Mërkuri retrograd, Shigjetarët do të përballen me çështje që lidhen me identitetin, vetëbesimin dhe drejtimin në jetë. Mund të ndjeni një “ngadalësim” në fushat ku jeni mësuar të lëvizni lirshëm dhe të zgjeroni horizontet, sepse tani gjithçka kthehet për rishikim.

Është e rëndësishme të jeni të durueshëm me vendimet dhe të shmangni veprimet impulsive, pasi komunikimi mund të jetë më i tensionuar se zakonisht.

Binjakët

Meqë Mërkuri është planeti sundues i Binjakëve, ata e ndiejnë ndikimin e tij shumë më fort. Në këtë periudhë mund të ndodhin keqkuptime, vonesa në përgjigje ose konfuzione në marrëveshje.

Këshillohet të kontrolloni mesazhet para se t’i dërgoni, të lexoni dy herë kontratat dhe të shmangni partneritetet e reja ose bisedat e rëndësishme derisa energjia të qartësohet.

Virgjëresha

Të dashura Virgjëresha, pasi Mërkuri është edhe planeti juaj sundues, ky cikël mund t’ju sjellë ndjenjën se gjërat kanë ngecur. Kjo mund të nënkuptojë që puna, planet apo edhe mendimet tuaja të mos ecin përpara. Ndoshta do t’ju duhet të ktheheni pas dhe të përfundoni diçka që ka mbetur “në gjysmë”.

Në vend që të shtyni gjithçka me forcë, përqendrohuni në mbylljen e detajeve dhe zgjidhjen e vogëlsirave, kjo do t’ju ndihmojë që pas përfundimit të fazës retrograde të shihni rrugën më qartë.

Akrepi

Nga 18 nëntori, Mërkuri hyn në shenjën e Akrepit, shenjë e thellësisë, transformimit dhe sekreteve. Akrepat gjatë kësaj periudhe mund të përballen me tema të fshehura, plagë të vjetra ose marrëdhënie që kërkojnë sinqeritet të plotë.

Kujdes me shpërthimet impulsive dhe ndryshimet e papritura, sepse kjo fazë kërkon më shumë introspeksion se veprim.

Peshqit

Për Peshqit, kjo është periudha kur komunikimi emocional dhe intuitiv del në plan të parë. Mund të ndiheni më të ndjeshëm se zakonisht, të mendoni shpesh për marrëdhënie të vjetra ose ndjenja të pashprehura. Është e rëndësishme t’i jepni vetes hapësirë për ëndërrim, por edhe për shprehje të qartë të ndjenjave.