Simptomat e heshtura të kancerit të vezoreve, ja çfarë duhet të dini

Soft

Simptomat e heshtura të kancerit të vezoreve, ja çfarë

Kanceri i vezoreve është malinjiteti më vdekjeprurës gjinekologjik. Hulumtimet kanë treguar se shkalla pesëvjeçare e mbijetesës së kancerit të vezoreve në fazën e hershme të sëmundjes është më e lartë se 90%, prandaj është jashtëzakonisht e rëndësishme të reagohet në kohë.

Sipas ekspertëve, problemi është se gratë shpesh nuk i marrin seriozisht simptomat e tyre. Dr. Stephanie Blank thekson se disa prej tyre janë fryrje, ndryshime në punën e zorrëve, urinim jonormal dhe një ndjenjë shqetësimi në legen.

Shumica e grave në çdo rast i ndiejnë këto ndryshime gjatë ciklit menstrual, kështu që nuk është e lehtë të vërehet ndonjë ndryshim i rëndësishëm në simptoma. Megjithatë, nëse ato zgjasin më shumë se dy javë ose përkeqësohen, duhet të konsultoheni me një mjek, thekson Dr. Blank.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Meqenëse nuk ka një simptomë të vetme karakteristike, është e nevojshme të dyshohet për të vendosur një diagnose, shtoi më tej ajo.

Kanceri i vezoreve nuk është domosdo në krye të listës së sëmundjeve që merren parasysh, kështu që shpesh pacientet duhet të testohen për një sërë kushtesh të tjera para se të arrijmë në atë diagnozë. Dr Blank shton se më të prekshme janë gratë që kanë një predispozitë gjenetike ndaj kancerit të vezoreve dhe kjo përfshin raste të grave me mutacione gjenetike në disa gjene që dihet se shoqërohen me këtë kancer, siç janë gjenet BRCA1 dhe BRCA2.

Simptomat e heshtura të kancerit të vezoreve, ja çfarë

Ndërsa për disa kancere të tjera ka procedura diagnostikuese si pap testi dhe ekzaminimi i mamografisë, ky nuk është rasti me kancerin e vezoreve, kështu që çdo ndryshim që mund të jetë një tregues i hershëm i sëmundjes duhet të monitorohet me kujdes.

Është e rëndësishme të shkoni rregullisht për një ultrazë transvagjinal, dhe për kjo gjendje tregon edhe tumor markeri CA 125 nga gjaku, ndërsa ekspertët vërejnë se në disa raste është e mundur të dyshohet për këtë sëmundje pas një ekzaminimi rutinë të pelvikut. /Telegrafi

 

ME TE LEXUARAT