"U trembëm shumë, donim të iknim", turistët e Ksamilit flasin të frikësuar për ngjarjen

Një pushues i rastësishëm ka rrëfyer për Top Channel momentet e tmerrit të përjetuara nga vrasja e 20-vjeçarit Migel Mendes në Ksamil. Në një intervistë për Top Channel, ai u shpreh se ishin shumë të trembur dhe donin të largoheshin nga vendi që kishin zgjedhur për pushime.

“Ne kur u ngritëm sot në mëngjes, nuk e prisnim, se ishim me pushime, donim të ndërronim edhe vendin. Jemi trembur shumë, se është një ngjarje shumë e rëndë.

Ne kemi ardhur me pushime për të ndenjur qetësi. Çdo darkë këtu ka muzikë dhe dëgjohej edhe muzika kur je te hoteli. Ne u çuam në orën 7 për të bërë mëngjesin dhe vetëm kur pamë policinë që kishte rrethuar vendin, ishte një ngjarje shumë e rëndë”, tregon një pushues.