F-16 rrëzohet në bazën amerikane në Gjermani, plagoset një person (VIDEO)

Një avion luftarak është rrëzuar pasditen e kësaj të marte në zonën e bazës ajrore amerikane Spangdahlem, në perëndim të Gjermanisë. Raportimet paraprake bëjnë me dije se piloti ka përdorur sistemin e katapultimit, ndërsa një person është raportuar i plagosur.

Ngjarja ka ndodhur rreth orës 14:10 me orën lokale, brenda ose pranë perimetrit të bazës në rajonin Eifel. Dëshmitarët kanë raportuar se avioni humbi me shpejtësi lartësinë, ndërsa pak çaste më vonë mbi zonë u shfaq një re e madhe tymi të zi.

Sipas raportimeve të mediave lokale dhe ndërkombëtare, avioni dyshohet se ishte një F-16 Fighting Falcon i Forcave Ajrore amerikane, me incidentin që ndodhur ndërsa në Spangdahlem është stacionuar një skuadron me rreth 20 avionë F-16.

Shërbimet e emergjencës u angazhuan menjëherë pas incidentit, ndërsa në zonë u dërguan zjarrfikës dhe ekipe mjekësore.

Sipas të dhënave paraprake, piloti ka hapur katapultën dhe ka shpëtuar. Detaje të tjera mbi gjendjen e tij nuk janë bërë ende publike.

Shkaku i rrëzimit mbetet ende i paqartë dhe pritet nisja e hetimeve për të përcaktuar rrethanat e aksidentit. Autoritetet amerikane dhe gjermane pritet të japin më shumë informacion në vijim.