Shtetet e Bashkuara do vazhdojnë të godasin Iranin – pauza vlen vetëm për impiantet energjetike

Shtetet e Bashkuara do të vazhdojnë sulmet e tyre kundër Iranit, pasi pauza vlen vetëm për sulmet ndaj infrastrukturës energjetike të Teheranit, sipas platformës ndërkombëtare dixhitale të lajmeve Semafor, duke cituar një zyrtar amerikan.

Të hënën, më 23 mars, Presidenti i SHBA-së Donald Trump njoftoi se kishte shtyrë planin e tij për të synuar termocentralet dhe infrastrukturën energjetike iraniane me pesë ditë, ndërsa foli gjithashtu për bisedime “produktive” me zyrtarë iranianë të paidentifikuar.

“Pauza pesëditore e sulmeve ndikon vetëm në infrastrukturën e tyre energjetike”, tha një zyrtar amerikan për Semafor.

“Nuk ndikon në instalimet ushtarake, Marinën, raketat balistike ose bazën industriale të mbrojtjes. Iniciativat origjinale të Operacionit Epic Fury do të vazhdojnë”, tha ai për platformën e lajmeve.

Raporti i Semafor shton gjithashtu se Izraeli nuk po merr pjesë në bisedimet midis Uashingtonit dhe Teheranit./Lajmi i Fundit