“Po bëj s*ks me burrin tënd…”/ Ylli televiziv flet për ish-bashkëshortin: Zhdukej për dy ditë, e kërkoja në ...

Khloe Kardashian ka zbuluar detaje të reja rreth varësisë së Lamar Odom nga droga dhe momentit kur ai pothuajse mori mbidozë. Personazhi 41-vjeçar i reality show-t i ka qëndruar pranë ish-bashkëshortit të saj dhe ish-lojtarit të Los Angeles Lakers, pavarësisht se kishte paraqitur kërkesë për divorc kur zbuloi pabesinë e tij. Të dy u martuan në shtator 2009, vetëm tridhjetë ditë pasi u takuan. Ajo paraqiti kërkesë për divorc në dhjetor 2013, por procesi u vonua dhe u finalizua më në fund në dhjetor 2016.

Duke folur në dokumentarin e Netflix-it “Untold: The Death & Life Of Lamar Odom”, Khloe Karthnasian përshkroi rastet kur ajo dhe nëna e saj, Kris Jenner, e gjenin atë në “konsum të tërbuar droge” dhe e kërkonin në “rrugica ose motele”.

Ajo pranoi se për vite me radhë ndihej e detyruar të mbulonte varësinë e ish-burrit të saj për të mbrojtur imazhin e tij publik dhe karrierën.

“Isha shumë mbështetëse, në mënyrën e gabuar, pa e kuptuar. Ndjeva një përgjegjësi të madhe për ta mbuluar, për ta mbajtur gjithçka në rregull dhe për ta mbrojtur atë. Kishte shumë raste kur Lamar zhdukej për dymbëdhjetë orë ose dy ditë, duke lënë qendrën e rehabilitimit dhe duke përdorur drogë. Unë e kërkoja në rrugica ose motele”, kujtoi ajo.

“Ai kishte copa letre alumini ose lugë dhe përdorte drogë, duke lënë gjithçka kudo. Mbaj mend që duhej të shkoja në dhomat e hotelit për të pastruar pas tij”, shtoi ajo.

Dyshimet e saj për lidhjet e tij jashtëmartesore u konfirmuan pak para se ai të rrezikohej nga mbidoza, kur ajo mori një telefonatë nga një nga dashnoret e tij, e cila ishte me të në një dhomë moteli.

“Papritmas marr këtë telefonatë dhe ajo thotë: ‘Hej, po bëj seks me burrin tënd. Ai është në një situatë shumë të keqe dhe vazhdimisht më kërkon para dhe drogë dhe duhet të iki nga kjo situatë. A mund të vish ta marrësh?’” përshkroi ajo.

Lamore Odom, nga ana tjetër, tha: “Një natë po shkoja në Big Bear, Kaliforni, dhe kisha marrë aq shumë saqë isha shkëputur nga realiteti. Vajza që ishte me mua në atë kohë duhet të ketë qenë aq e tronditur saqë mori telefonin tim dhe telefonoi gruan time”./Shqip