Arrestohet për ngacmim seksual kirurgu i Spitalit të Korçës.

Mjeku i Spitalit Rajonal të Korçës, N.N., është arrestuar nga Policia e Korçës nën dyshimet për veprën penale “ngacmim seksual” ndaj një pacienteje.

Sipas burimeve zyrtare, ndalimi i mjekut 72-vjeçar është kryer pas kallëzimit të bërë nga pacientja, ndërsa ndaj tij janë nisur hetimet për të sqaruar rrethanat e plota të ngjarjes.

Ndërkohë, Drejtoria e Spitalit Rajonal të Korçës ka vendosur masën e pezullimit nga detyra për mjekun deri në përfundim të procedurave hetimore.