Gjendet i pajetë taksisti në zonën e Oxhakut në Tiranë, dyshohet se…

Një ngjarje e rëndë është regjistruar në Tiranë, ku një person është gjetur pa shenja jete në zonën e Oxhakut.

Sipas informacioneve paraprake, viktima dyshohet të jetë një taksist rreth 40 vjeç. Nga të dhënat e para, nuk janë konstatuar shenja dhune në trup, ndërsa dyshohet se vdekja mund të ketë ardhur nga shkaqe natyrale.

Trupi i pajetë është transportuar në morg për ekspertizë mjeko-ligjore, e cila pritet të përcaktojë shkakun e saktë të vdekjes.

Autoritetet kanë nisur veprimet hetimore dhe po punojnë për sqarimin e plotë të rrethanave të ngjarjes.