"Mos më mbani në kafaz" Meta kërkesë për herë të dytë në GJKKO, ja kur mbahet gjyqi

Avokatët e ish-Presidentit Ilir Meta i janë drejtuar sërish Gjykatës së Posaçme (GJKKO), duke kërkuar që klienti i tyre të mos qëndrojë në kafazin e xhamit gjatë zhvillimit të seancave gjyqësore.

Kjo është kërkesa e dytë e mbrojtjes në lidhje me këtë çështje, ndërsa vjen pak ditë përpara nisjes së procesit në themel, i cili është caktuar të fillojë më 27 prill në Gjykatën e Posaçme.

Çështja ndaj Ilir Metës pritet të shqyrtohet në vijim nga trupi gjykues, ndërsa procesi konsiderohet një nga dosjet më të rëndësishme që do të trajtohet në GJKKO.