Pamjet mahnitëse/ Rama lartëson Linin: Një udhëtim mes mijëra viteve histori dhe natyrës buzë liqenit

Kryeministri Edi Rama ka shpërndarë sot disa pamje nga fshati i Linit, ku thekson bukuritë dhe historikun e tij. “Mirëmëngjes dhe nga Lini, aty ku mijëra vite histori, trashëgimi dhe natyrë bashkohen buzë Liqenit të Ohrit, ju uroj një ditë të mbarë”, shkruan Rama.

Lini është një nga fshatrat më të vjetër dhe më të bukur të Shqipërisë. I vendosur buzë liqenit të Ohrit, fshati Lini ngjan si një perlë që bashkon historinë, bukurinë natyrore dhe trashëgiminë kulturore shqiptare.

Zbulimet arkeologjike kanë vërtetuar se aty ndodhet vendbanimi më i vjetër palafit në Europë, që daton rreth 8 mijë vjet më parë.