Sa do të rriten pagat dhe pensionet nga viti 2026 e në vazhdim?

Kryeministri Edi Rama njoftoi sot se pensionistët do të marrin shpërblimin e fundvitit sipas nivelit të pensionit: ata me pension deri në 20 mijë lekë të reja do të marrin 150 euro, ndërsa pensionistët me pension mbi këtë nivel do të përfitojnë 100 euro.

Në podcast-in e tij “Flasim”, Rama u ndal edhe te ndryshimet që pritet të sjellë viti 2026, duke theksuar se atëherë nis një kapitull i ri për rritjen e pensioneve.

Sipas tij, rritja do të jetë graduale: nga janari 2027 pensionet do të jenë të dyfishuara, në janar 2028 trefishohen, në janar 2029 katërfishohen dhe në janar 2030 arrijnë pesëfishimin.

Ai shtoi se nga 1 janari 2026 do të rritet edhe paga minimale, e cila do të shkojë në 500 euro si në sektorin publik ashtu edhe në atë privat.

“Miratuam shpërblimin e fundvitit për pensionistët dhe u mbyllëm rrugën zërave që përhapën lajme të pavërteta se nuk do të kishte shpërblime këtë vit,” deklaroi Rama, duke rikujtuar edhe skemën e rritjes së pensioneve dhe rritjen e pagës minimale që hyn në fuqi në fillim të vitit 2026.