Një avion rus shkeli hapësirën ajrore finlandeze, Helsinki thirri ambasadorin rus në shenjë proteste

Ministria e Jashtme finlandeze njoftoi sot se ka thirrur ambasadorin rus në Helsinki dhe ka kërkuar shpjegime për avionin rus të zbulimit Il-20 , i cili dyshohet se ka shkelur hapësirën ajrore finlandeze të enjten.

Roja Kufitare Finlandeze njoftoi sot se shkelja e hapësirës ajrore në pjesën perëndimore të Gjirit të Finlandës zgjati rreth tre minuta dhe avioni ishte në pikën e tij më të thellë rreth 4.7 milje detare (8.7 km) brenda territorit finlandez.

Roja Kufitare Finlandeze ka nisur një hetim paraprak mbi shkeljen në fjalë.