"Teherani qëllon me raketa bazat amerikane dhe britanike në Oqeanin Indian." Izraeli / Goditen objektivat e regjimit

Donald Trump njofton një reduktim të mundshëm të operacionit ushtarak në Iran (sepse “jemi tashmë shumë pranë arritjes së objektivave tona”), por nga Teheran bëhet e ditur se, përveç fjalëve të presidentit amerikan, nuk ka “asnjë sinjal” në këtë drejtim.

Ndërkohë, lufta në Lindjen e Mesme vazhdon, me ushtrinë e Izraelit që njofton se ka goditur objektiva të reja të “regjimit” në kryeqytetin iranian, ndërsa Pasdaranët kanë marrë në shënjestër bazën anglo-amerikane të Diego Garcia, e vendosur në zemër të Oqeanit Indian, me dy raketa balistike.

Sipas The Wall Street Journal, sulmi nuk ka arritur objektivin: njëra prej raketave ka pësuar defekt gjatë fluturimit, ndërsa tjetra është interceptuar nga një raketë SM-2 e lëshuar nga një anije luftarake amerikane./Lajmi i Fundit

Burimi 
Quotidiano.Net