Trump dhe qafa e tij e kuqe, fotografia ngjall përsëri dyshime rreth shëndetit të presidentit

Një foto ka rigjallëruar shqetësimet në lidhje me shëndetin e Donald Trump.

Sot, më 2 mars, Presidenti i Shteteve të Bashkuara mori pjesë në një ceremoni në Shtëpinë e Bardhë për të marrë një sërë nderimesh.

Një foto e AFP zbuloi një skuqje të dukshme në anën e djathtë të qafës së tij, pas veshit, me një lezion që po shërohej. Trump, siç dihet mirë, vuan nga pamjaftueshmëria kronike venoze dhe merr doza të larta aspirine.

Ky trajtim shkakton mavijosje, veçanërisht në dorën e tij të djathtë. Fotografia e bërë sot ka tërhequr vëmendjen e shumë mediave amerikane. Forbes, në veçanti, ka kërkuar sqarime nga Shtëpia e Bardhë, por nuk ka marrë asnjë përgjigje.

Sipas spekulimeve në median amerikane, skuqja mund të shkaktohet nga një formë e rëndë e dermatitit ose një manifestim i herpes zoster./Lajmi i Fundit