Prishtina edhe nesër pa transport publik, Gashi: Protesta do të vazhdojë deri sa të ketë zgjidhje

KOSOVË- Autobusët në Prishtinë nuk do të qarkullojnë as të hënën.

Punëtorët e “Trafikut Urban” dhe operatorëve privatë do të vazhdojnë protestën

“Po, protesta do të ketë edhe nesër me fillim nga ora 10:00 e deri në orën 12:00. Do të bllokohet rruga nga Qeveria e deri tek Komuna”, ka thënë për mediat në Kosovë, kryesindikalisti Elmi Gashi.

Gjithashtu theksoi se ende nuk kanë marrë ndonjë konfirmim nga Ministria e Financave rreth alokimit të mjeteve për Komunën e Prishtinës.

“Deri më tani jo. Po presim që nesër eventualisht gjatë ditë të ndodh kjo”, theksoi ai.

Javën e kaluar, punëtorët bashkë edhe kryetarin Përparim Rama, protestuan para Qeverisë duke kërkuar zhbllokimin e buxhetit të kryeqytetit.