“The One About Matthew Perry”/ Netflix sjell historinë e panjohur të yllit të “Friends”

Matthew Perry, i njohur në mbarë botën për rolin e Chandler Bing në serialin “Friends”, do të jetë në qendër të një dokumentari të ri të Netflix.

“The One About Matthew Perry” do të publikohet më 27 tetor dhe do të jetë i ndarë në tre pjesë. Dokumentari do të sjellë rrëfime nga familjarët, miqtë dhe njerëzit më të afërt të aktorit, si dhe materiale të papublikuara nga arkivi privat i familjes.

Perry u nda nga jeta më 28 tetor 2023, në moshën 54-vjeçare. Përtej suksesit si Chandler Bing, dokumentari do të trajtojë edhe betejat personale të aktorit me varësinë dhe vështirësitë që përjetoi gjatë jetës.

Dokumentari drejtohet nga fituesja e Emmy-t, Mary Robertson, e cila deklaroi:

"Matthew Perry ishte një nga gjenitë komikë të kohës sonë, përmes shumë filmave, shfaqjeve televizive dhe skenike, si dhe portretizimit të tij të paharrueshëm të Chandler Bing, ai na bëri miliona prej nesh të qeshnim, të lidheshim dhe të ndiheshim më pak të vetmuar. Ai na dha gjithashtu shumë më tepër duke folur me guxim për varësinë e tij. Megjithatë, publiku dinte vetëm një pjesë të historisë së tij. Kjo është arsyeja pse vendosëm të bënim këtë serial: t'u lejonim njerëzve që e njihnin dhe e donin Matthew të zbulonin personin që fshihej pas figurës publike.”

Në dokumentar do të rrëfejë edhe motra e tij, Mia Perry Bowick, e cila do të ndajë kujtime personale dhe histori të panjohura për aktorin.

“The One About Matthew Perry” pritet të sjellë një portret më të plotë të aktorit, duke treguar njeriun pas personazhit që bëri miliona njerëz të qeshnin.