“Topi i Artë” në kaos pas Botërorit, 6 yje luftojnë për trofeun, Messi dhe Yamal humbin terren

Triumfi i Spanjës në finalen e Kupës së Botës ka përmbysur parashikimet për fituesin e ardhshëm të “Topit të Artë”, duke e kthyer garën në një nga më të paparashikueshmet e viteve të fundit.

Finalja pritej të vendoste shumë përballë dy prej emrave më të përfolur, Lionel Messi dhe Lamine Yamal, por asnjëri nuk arriti të bëhej protagonist absolut. Messi pësoi një goditje në momentin vendimtar, ndërsa Yamal, pavarësisht se ngriti trofeun me Spanjën, nuk pati një rol vendimtar në finalen e madhe.

Kjo ka rikthyer në qendër të vëmendjes disa kandidatë të tjerë, mes tyre Kylian Mbappé, Harry Kane, Erling Haaland dhe Rodri, ndërsa në garë përmendet edhe mbrojtësi i Barcelonës dhe Spanjës, Pau Cubarsí.

Rodri dhe Mbappé fitojnë terren

Rodri ka rritur ndjeshëm kuotat e tij pas rikthimit në formë dhe paraqitjeve të shkëlqyera në Botëror, ku u shpall lojtari më i mirë i turneut.

Në garë mbetet edhe Harry Kane, pas një sezoni të jashtëzakonshëm me Bayern Munich, ku shënoi 61 gola, ndërsa me Anglinë e mbylli Botërorin në vendin e tretë.

Një tjetër kandidat i fortë është Mbappé. Francezi shkëlqeu në Kupën e Botës me 10 gola, duke u ngjitur edhe në krye të listës së golashënuesve më të mirë të të gjitha kohërave. Megjithatë, eliminimi në gjysmëfinale nga Spanja dhe mungesa e trofeve këtë sezon mund të peshojnë kundër tij.

Në një vit të Kupës së Botës, paraqitjet në turneun më të madh të futbollit pritet të kenë peshë të veçantë në votim.

Në këto kushte, gara për “Topin e Artë” mbetet e hapur dhe pa një favorit absolut, me disa kandidatë që kanë argumente të forta për të marrë trofeun prestigjioz.