Dita e 15 e revoltës kundër Ramës/ Nis marshimi drejt bulevardit, kërkohet dorëheqja e kryeministrit: Ju erdhi fundi!

Pas grumbullimit të qytetarëve në sheshin “Skënderbej”, ka nisur marshimi i protestuesve drejt Kryeministrisë.

Sot është dita e 15 e protestës qytetare ku kërkesë kryesore largimin e qeverisë dhe dorëheqjen e kryeministrit Edi Rama.

Tirana prej 14 ditësh ka qenë nën ‘pushtetin’ e protestuesve. Por jo vetëm Tirana, protestat janë shtrirë edhe në qytete të tjera në Shqipëri, të cilët njëzëri kërkojnë largimin e Ramës.

Një ditë më parë, të shtunën u mbajt tubimi më madhështor , protesta e 14 me një pjesëmarrje rekord, që ka kaluar çdo pritshmëri. Të rinj, të reja, prindër me fëmijë, të moshuar, janë në protestë duke shprehur pakënaqësitë e tyre dhe padrejtësitë që iu janë bërë nga kjo qeveri dhe kjo klasë politike.

Mesazhi është i qartë “Rama jep dorëheqjen”. Gjithashtu akuza të forta nga protestuesit janë hedhur edhe ndaj opozitës.

Protesta do vijojë edhe gjatë ditës së sotme në orën 18:00, organizimi bëhet te sheshi Skënderbej dhe më pas vijon marshimi drejt Kryeministrisë. Protesta ka zgjatur deri në mesnatë.