HISTORI NJERËZORE: E moshuara që merr urimin e rrallë “U bëfsh 200 vjeçe!” mbahet vetëm me 9 mijë lekë pension

Qamile Marra feston 117-vjetorin e ndërsa familjarë e të afërm e urojnë të bëhet edhe 200 vjeçe, ajo jeton në një shtëpi private të fshatit Ferras të Beratit

Apeli i familjarëve është sigurimi i një pensioni special për këtë grua, e cila është pa diskutim më e vjetra në Shqipëri dhe madje sipas hulumtimeve ndan të njëjtën moshë me një grua në Britaninë e cila sipas mediave bratanikë është gruaja më e vjetër në botë.

Sot, sipas reportazhit të Klan News, Qamilja jeton nën kujdesin e djalit të saj, i cili vetë ka mbushur të 80-at. Megjithëse edhe ai është në një moshë të thyer e me problemet e veta të shëndetit, përpjekja e tij për t’i shërbyer nënës 117-vjeçare është një dëshmi e jashtëzakonshme e përkushtimit dhe dashurisë filiale. Këto ditë ajo po i jeton me djalin Hysenin dhe nusen e tij, Raimen.

Momentalisht nuk ka asnjë sëmundje dhe nuk merr asnjë ilaç. Megjithëse i biri përpiqet t’i qëndrojë pranë për çdo nevojë, vitaliteti i nënës 117-vjeçare mbetet shtylla e atij ambienti familjar. Për të, e rëndësishme është fakti që nëna e tij gëzon shëndet dhe punët e saja i bën vetë.

Megjithëse gëzon një shëndet të hekurt dhe një energji të rrallë, sfidat e jetesës dhe kostot e përditshme mbeten të pranishme. Djali i saj e ka të pamundur të mbulojë të gjitha nevojat e jetesës vetëm me një pension të zakonshëm prej 9:400 lekësh.

Për këtë arsye, familja dhe vetë nënë Qamilja i kërkojnë institucioneve dhe shtetit lidhjen e një pensioni special më të madh.

Për nusen e familjes, të kujdesesh dhe të jetosh me një vjehrrë 117-vjeçare është sa përgjegjësi, aq edhe një bekim i madh. Ajo tregon se nënë Qamilja nuk është thjesht e pranishme në shtëpi, por është ende aktive dhe e paepur.

Karta ID e Qamile Marrës, e vitit 2022

Ushqimet kryesore që konsumon familja janë mishi i shpendëve dhe bulmeti i siguruar nga vetë familja.

Përtej çdo parashikimi për një moshë të tillë, nënë Qamilja nuk pranon të rrijë duarkryq. Rutina e saj ditore do të habiste këdo, ajo ngrihet çdo mëngjes, merr fshesën për të fshirë oborrin e shtëpisë dhe kujdeset me përkushtim për pulat.

117-vjeçarja ka rritur 7 fëmijë, ka punuar në bujqësi dhe ka parë jetesën ndër 5 breza të familjes së saj.

Megjithëse shëndeti i nënë Qamiles është i admirueshëm, vështirësitë ekonomike në shtëpi janë me të vërtetë të pranishme.

Të dy kujdestarët e saj kryesorë, djali dhe nusja, janë vetë në moshë të thyer pensioni dhe e kanë të vështirë të përballojnë të gjitha shpenzimet e përditshme të familjes.
Për këtë arsye, familja kërkon publikisht nga shteti dhe institucionet përkatëse akordimin e një pensioni special më të madh për 117-vjeçaren.